Ka Pa Damnawna le Damdawiin kan panna chung changa ka lawmthu hrilna

Lawmthu hrilna - Zolawm

Ka Pa, Kawlhmingthang hun sawttak, natna le bawrsawmnan a tuom a, beidawng tak le vuivai taka Shilong NEIGRIMS Damdawiin kan panna chung chang a milo ngiventu haile a milo buipui tu hai po po chung a khan kan lawm tak meu meu a, kan chunga inthatna le inmi hmangaina hai kha rullet thei cheu kanneinaw, Pathien in a let tamtakin malsawmin rullet raw sen cheu.
A bik takin Pastor Mangthuom i hun le tha khawm inro lova Burrows Memorial Christian Hospital, Silchar Medical Collage & Hospital le Shilong NEIGRIMS chen mithuia, a ṭuolna tieng tieng le pawimaw nana a mi ṭhuia kan hril ai mi hrilpeka imi thawpek na a khan kan lawm tak meu meu che.
Chun Ni Darsangmawi Nurse Officer Damdawiin suonga kan harsatna popo mi buipui peka, damdawiin bakah “fak le dawn hai iem a fakthei a?” tia a ka Pa fak ding hung chawia, Damdawi in kan suk hun chena khawm lusunna leia i chawl lak khawm chawl theiloa kan chawkbui chea, kan inthlahrung  hle a chu kan mamaw si che a, Sawl le rinum khaswm pawisa loa Damdawi inmi ngiatuo pui a Shilong khawpui a suk a tunga imin vakpek na hai a khan kan lawm taluo, chu el nilova ka Pa Thisen pek na rul angai, ruldan ding kan ngituo kanbeidawng el laia rul ngailoa imi sukfel pek vawng leiin kan lawm tak meu meu che ani, Pathien in umpui in  hriselna pe pei sienla che mi haita dinga malsawmna ni a, hlim taka i hringnun hmang pei din kan ditsak mawl mawl che ani.
Pastor Fiemliensang khawm Damdawiin kan um ani ti i hriet anthawka kan mamaw tinreng mi ngituo puia i sina ngaia imi ngai pawimaw a, hun awl khawm nei mumal loa Damdawiin a imi hung kan a kan chanchin imi hung ngaichanga, Damdawiin kan sukna le i thei ang tawk tawka imi lo buipuia, Sumo a Aizawl tieng pana kan suk chena mi minthla liema lama khawm kan phiengṭam phallo a kan faksengnaw chen manding imin chawi tir peia, i thatna le i felna a hin Pathien in malsawm chen keithui in umpui pei raw sen che.
Chun U Lalrawngbawl le HYA President Malsawmsang hai zarin HYA in kan thla asuk muong hlea kan mamaw na le thangpui kan ngaina a haia mi thangpui inlo ihuom a lungngai lo dinga inmin hnem naa kan lawm tak meu meu ani. HYA vul zing raw sen.
Chun EFCI Center anthawk a mi hung ngaiventu Rev. John L Thilsong, Rev Simon Darngawn le Rev Lalbiektluong hai inhmel kan hang hmu kha kan thla a muongin kan lawm tak meu meu cheu, hmun hrang hranga EFCI hai kuoma tangtai pek dinga inmi hril pekna a khawm kan lawm tak meu meu ani.
Chu el nilovin Damdawiin a anthawka In a mi thuia Sumo Counter chen a min thla lama kan fena ding hai mi buipui pek vawng a Aizawl kan tlung chena mi hung ngaiven zingtu U Simon Darngawn khawm kan chunga i ṭhatna kan theinghil nawh, Lalpan umpui pei sienla che, hrisel a, i thilthaw na peia Lalpan umpui in  hlawtlingna inchang tir pei raw sen che.

Chu chu po po baka ka Pa damnawna mi ngaivena milo ṭawngṭai pui a mi hung kantu le ditsaka min hlantu hai po po chunga khan kan lawm talu vawng cheu, kan lawmna suklang le lawmthu hril ka thiemnaw a chu kan lungril tak tak hin kan chung a inthatna hi a let tam takin Lalpan malsawm seng raw sen cheu.

Tuhin chu Sakawrdai tluong takin kan tlung ta a, Damdawi hai ṭha taka fain dam tieng hma asawn peia, a Phieng a bawk um khawm a chin tiel tiel ani. Inmi ṭawngṭai puina hai, inmi ṭhangpuina hai le Pathien zar cho ani ti kan hriet in ka lingril a hlim in kan lawm tak tak ani.