SUDENT CAREER GUIDANCE

SUDENT CAREER  GUIDANCE 
(Matric pass te tan)

-Er. Chhungpuia Renthlei

Matric pass ten Mizorama an  zir theih tlangpui te:

1. Higher secondary school leh Open school
Arts subject zir duh tan Class XI  a zir theih

2. North Eastern Regional Institute of Science & Technology (NERIST) ah Engineer/ Applied Science (Forestry) a zir theih.

3. National Institute of Electronics & Information Technology (NIELIT) -Aizawl ah Diploma in Computer Science & 
Engineering leh Diploma in Electronics & Tele Communication Engineering a zir theih. 
NIELIT zirlaite hi Central  sorkarin course fee a tum sak a, sum harsatna nei tan a remchang hle.

4. Mizoram Polytechnic Lunglei ah Diploma course hrang hrang:
Civil Engineering, Mechanical Engineering, 
Electrical Engineering leh Computer Science & Engineering a zir theih.

5. Hmeichhe tan Women Polytechnic Aizawlah Diploma in Electronics & Tele Communication Engineering a zir 
theih.

6. Industrial Training Institutes (ITI) Aizawl ah leh district dangah vocational course hrang hrang a awm.

7. Open School hrang hrangah Arts subject leh short term course a zir theih.

Class XII zir dawna hriattur pawimawh te:

1. Arts line:
Dan naranin Class XI ah Subject pathum (3) - Arts, Science leh Commerce an zir thin.

A. Arts 
zir duh tan Political Science, Economics, History, Education, English, Mizo, Geography, Public Administration, Sociology, Psychology etc. 
a awm. Subject combination a awmsa vek thin. Class 12 zawh hnua kan major subject zir duh a zirin  combination  thlan mai tur.

B. Science 
zir duh tan
Physics (P), Chemistry(C), Mathematics (M) leh Biology (B) a zir theih.

Class 12 hnu a kan zir duh a zirin combination thlan thiam atul. 

C. COMMERCE
Commerce zir duh tan math leh computer  thiam a tul. 

SUBJECT COMBINATION

1. Engineer line (Computer, Electronics, and Electrical, Civil etc.) zir duh tan Class 12 ah  PCM lak tur. 

2. Medical  line Doctor (MBBS, BDS, BVS ) emaw Nurse ETC zir duh tan class 12 ah 
PCB subject lak tur.

3. Computer 
BCA /MCA  zir duh tan Class 12 ah Math leh Compute Sc / IT subject lak tur.

4. E Commerce
zir duh tan commerce subject bakah  IT  lak tel tur.  

HRIAT TUR PAWIMAWH :

1. Arts line a kal te tan master degree mai bakah PhD thleng zir thei tura rilru nei ila. Kan tuina ni tho si, subject  awlsam deuh  thlan thiam a tha.

2. Buaipuitu mumal neilo leh  Chhungkaw harsa deuh kan nih chuan General Line-a zir chhoh pawp pawp aiin  hna hmuh theihna remchang awm theihna lam te kan ngaihtuah a tha.

3. Kan nih chak a zirin subject thlan thiam a tul. Art subject zir lak tawh chuan Doctor emaw, Engineer emaw han nih chak leh thut a rem tawh dawn lo.

4. Thil chhut chiang mang loa thiante zir ang zir chawt zel te, zir an tlem tih vang ringawta mahni tuina subject ni miahlo lak ringawt te, subject awl nia mi sawi thlan khawm ringawt te, miten a tha an tih vang ringawta lak te hi a fuh lo.

5. Kan mizia leh kal zelna tur ngaihtuah miah lova mark-in a pha tih vang ringawta Science leh technical subject lak ve ringawt te hi a fuh lo.

5. School tha a seat chan loh avang leh mark hniam vanga nu leh pa ten kan fate ITI, Polytechnics leh Vacational / Short terms Courses zir tura kan tir fo mai hi a tha lem lo.

6. Hlawhtling turin Taimakna, insum theihna leh Discipline tha kan neih atul.Khawiah pawh zir ila, zirlaia tui tham tura taima tak leh rinawm taka  kan zirnaah kan inpek chuan Pathianin mal min sawm anga, kan hlawhtling ngei ngei ang.

CONCLUSION

Zirlai ten lehkha kan zir chhan ber chu eizawnna tlak sum lalut thei tura sorkar, company a thawh emaw, private a sumdawn a ni.

Hemi ti hlawhtling tur hian zirlai mai bakah nu leh pa te mawhphurhna a sang hle mai. 

Hnam dang ten an fate zirna an buaipui nasat zia te hi entawn zel ila, kan fate zirna lam hi uluk leh zuala ngaihtuah sak hi  a tul hle